LAOAG CITY – Mamati ni dati a Presidential Spokesperson Atty. Salvador Panelo a saan a panagpangta ti rakurak ni Vice President Sara Duterte iti kontrobersiyal a video na idi Nobyembre 2024 no sadinno a nadakamat na nga adda ti kinasarita ba a mangpatay kada Presidente Ferdinand Marcos Jr., First Lady Liza Marcos ken dati nga House Speaker Martin Romualdez.
Inlawlawag na a daytoy ket maysa laeng a panawagan iti publiko.
Sinublianan ni Panwelo ti linaon ti video no sadinno nga adda ti maipagarop a kondisyon ti bise presidente iti rakurak na, a daytoy ket mangipakita laeng ti panagkiddaw na ti tulong ken hustisya no adda ti madi a mapasamak kenkuana.
Kas pammaneknek, kuna ni Panelo nga agibagbaga kenkuana ti bise presidente nga adda ti pangta iti biagna ken kidkiddawen na ti tulong ti umili.
Iti video, arigna ibagbaga ti bise presidente a no patayen a daytoy ket isubbot isuna ti publiko, partikular dagiti pagat-atapan na.
Ti video ti bise presidente idi Nobyembre 2024 ket isu ti immuna a naipresentar iti day 2 ken day 3 ti impeachment trial ni Duterte, daytoy ket ti sentro ti grave threat article iti impeachment case a sangsangwen na.
