LAOAG CITY – Narekobre ti maysa a vintage bomb iti paset ti Barangay 15 iti ili ti San Nicolas ditoy probinsya iti Ilocos Norte.
Kuna ni P/Sr./Insp.Roderick Rabago, deputy chief of police iti nasao nga ili, narekubre ti nasao a bomba bayat nga agkalkali dagiti karpintero ti septic tank iti balay a patakderen ti pamilya Pasamonte.
Nupay kasta, kuna ni Rabago a saan da nga insigida a ginaraw ti nasao a bomba gapu ta idi agresponde da, awan kadakuada ti eksperto.
Kasta met nga awan dagiti EOD expert ti PNP iti Ilocos Norte gapu ta adda ti inatendaran da a seminar rason nga inpakammo da iti Regional Office ti PNP.
Saan met a makumpirmaran ni Rabago no kasanu ti kapigsa ti nasao a bomba no agbettak.
Ti nasao a bomba ket addaan iti kaatiddog nga agarup 12 a pulgada ken kalukmeg iti gagangay a bote ti beer.
