LAOAG CITY – Inrekrekomendar ti Department of Health kadagiti sexually active nga indibidual a sursuruenda pay laeng ti virtual sex tapno malappedan ti sakit a mpox wenno monkeypox.
Segun iti Department of Health, mabalin nga agvideo call kadua ti partner a pagtaltalkan kagiddan ti panangipaganetget ti kinapateg ti natalged a pannakinaig.
Malaksid iti virtual sex, isingasing ti ahensia a dagiti aktibo ti sex life-na ket nasken a “no touch” wenno “self-pleasure” ti aramidenda.
Sakbay a makinaig, kinuna ti ahensia a nasken nga am-ammo a nalaing ti partner ken siguradoen nga awan ti sugat wenno rashes da a kas sintomas ti ndakamat a sakit.
Inpaganetget ti ahensia ti kinapateg iti maysa laeng a sexual partner agsipud ta no adu ket narisrisgo iti mpox.
