LAOAG CITY – Nagsublin iti yellow alert ti Visayas grid idi Mierkoles, Mayo 27.
Iti inruar a pakaammo ti National Grid Croporation of the Philippines (NGCP) nagbalin nga epektibo ti yellow grid iti oras ti alas-6:00 ti rabii ken nagpaut daytoy iti alas-7:00 ti rabii.
Iti agdama, addaan ti kabaelan iti Visayas grid nga aglaon iti 2,682 megawatts (MW) ken iti peak demand ket umab-abot daytoy iti 2,415 megawatts.
Ti yellow alert ket maipakdaar no umingpis iti reserba ti kuryente.
Basar iti National Grid Corporation of the Philippines (NGCP), agtalinaed a naka-forced outage iti unit 1 ken 2 ti Therma Visayas Inc. ken unit 3 ti Panay Energy Development Corp. a mabalin nga agresulta ti pannakapukaw ti kasapulan a kapasidad tapno matungpal ti nangato a kasapulan iti suplay ti kuryente.
Kabayatanna, dinakamatna pay ti nasao nga ahensia a ti panagkissay ti kapasidad ti grid ket ti unavailability iti tallo nga units ti Therma Visayas Inc ken Panay Energy Develoment Corp.
