LAOAG CITY – Kwinestyonaran ni Vice Mayor Rey Carlos Farinas ni konsehal Handy Lao ditoy ciudad ti Laoag nu apay nga awan iti naaramid a pageant para kadagiti miyembro iti LGBTQIA+ community iti pamulinawen 2023.
Insungbat ni Lao a kas maysa a miyembro iti LGBTQIA+ community ket saan na a malipatan ti mangaramid kadagiti programa ken aktibidad para kadakwada.
Inlawlawag na a ti pageant para kadagiti miyembro iti nasao a grupo ket manamnama a maiwayat intono bulan ti Hunyo ita a tawen.
Inlawlawag na a daytoy iti napanunotan da a bulan tapno maigeddan iti pannakaselebrar iti Pride month kasta metten iti marunggay festival ken charter day ditoy ciudad ti Laoag.
Naragsakan ti bise mayor iti nagbalin a sungbat ni Konsehal Lao.
