LAOAG CITY – Inpeksa ni Vice Mayor Rey Carlos Fariñas ti pannakaupayna kalpasan a sumagmamano a nagannak dagiti atleta ti saan a simrek iti Ferdinand E. Marcos Memorial Stadium ditoy ciudad ti Laoag gapu iti entrance fees kabayatan ti kangitingitan ti City Meet.
Segun ken ni Fariñas, gagangay nga umay dagiti nagannak a mangsuporta kadagiti annakda, ngem gapu iti P30 nga entrance fee, adu a nagannak ti nagtalinaed laeng iti ruar ti alad iti stadium gapu ta manginaada a mangbayad iti entrance fee.
Daytoy ti rason no apay a ti bise mayor ti nangibaklay ti pagbayadda tapnu mabuya da met laeng dagiti nagannak ngem naduktalanna pay nga agbayad met ti entrance fee ti atleta ken mangisursuro.
Gapu iti daytoy, inkari ti bise mayor a bayadan ti entrance fee tapno makabuya dagiti nagannak dagiti annakda. Nupay kasta, naduktalanna pay nga uray dagiti atleta ken dagiti mannursuroda ket masapul nga agbayad iti entrance fee.
Kalikagum ti biang ti bise mayor a malawlawagan maipanggep iti daytoy a banag rason nga inpaimana ken Sangguniang Panlungsod Member Handy Lao tapnu damagen iti biang ti Sangguniang Panlalawigan.
Maipalagip a ti panagbayad ti entrance fee iti Ferdinand E. Marcos Memorial Stadium ket naiyatnag kas provincial ordinance.
