LAOAG CITY – Kalikagom ni Vice Mayor Vicentito Lazo ditoy ciudad ti Laoag a maimbestigar ken mapilaan ti maiyanntop a kaso ti maysa a residente a namindua nga immawat ti sangaribo a pisos nga ayuda nga inbunong ti gobierno lokal ditoy ciudad.
Daytoy ti nagbalin a rakurak ti bise mayor kalpasan a naduktalan na nga adda ti maysa a residente a namindua nga immawat ti sangaribo a pisos iti agduma a barangay.
Gapu iti napasamak, maiyur-urnus dagiti dokumento ken Payroll a pinirmaan dagiti amin a residente nga immawat ti sag-sangaribo a pisos.
Kabayatanna, inlawlawag ni Mrs. Ruby Bunalade iti City Planning and Development Office ditoy ciudad no kasanu a napasamak ti namidua a pannakaawat ti maysa a residente ti nasao nga ayuda.
Segun kenkuana, ti nasao a residente ket dua a barangay ti pagnanaedan na ken iti pannaka-validate na ket maipagarop nga agduma dagiti inbagbaga na nga impormasyon.
