LAOAG CITY – Natayen ti nabigbig a boses ni Transformer Optimus Prime a ni Petter Cullen iti tawenna nga 85.
Daytoy ket kinumpirmaran ti agent-na a pimmusay ti aktor iti pagtaenganna idiay Los Angeles.
Nupay kasta, saan a nadakamat ti rason ti pannakatayna.
Ni Cullen ket nabigbig nga adda iti likudan ti Optimus Prime, ti mangidadaulo dagiti Autobots iti original 1980 a “Transformers” animated TV Series.
Malaksid iti daytoy, nabigbig pay ni Cullen nga adda iti likudan ti boses ti Predator iti mabuya a “Predator” idi 1987 ken boses ni Mario para iti original “Donkey Kong” animated series idi 1980.
