LAOAG CITY – Nagpanawagan ni Mr. Patrick Mausim, ti election Assistant Officer iti Commission on Elections (Comelec) ditoy probinsya kadagiti agtawen ti 15 agpangato a mapan dan agparehistro tapno makabotos da intono 2020 SK ken Barangay election.
Inlawlawag na nga uray nadakamat ni Presidente Rodrigo Duterte iti napalabas nga State of the National Address (SONA) na a possible a maitantan ti SK ken Barangay eleksyon ket masapol nga ituloy da latta ti agparehistro.
Inbatad na a mandato ti komisyon nga agingga nga awan ti paglintegan para ti pannakaitantan ti eleksyon ket saanda nga isardeng ti agparehistro kadagiti maseknan.
Innayon na a no bilang maitantan ti eleksyon ket kapilitan a baliwan danto manen dagiti maseknan ti agrehistro.
Inpakaammo ni Mausim a silulukat ti opisina da manipod lunes agingga ti sabado iti oras ti alas-otso ti bigat agingga ti alas-singko ti malem.
Kabayatanna, nagpanawagan kadagiti mapan agparehistro a saandan nga iyur-uray dagiti maudi nga aldaw ti panagrehistro tapno maliklikan ti panagdudupudop da.
