LAOAG CITY – Kinondenar ni Vice President Sara Duterte ti panangiserbi ti warrant of arrest idi kalman ti kapulisan ti Police Regional Office 11 iti 30-hectares a compound ni Pastor Apollo Quiboloy.
Iti panagbitlana, inbatad ti bise presidente a kumanunong daytoy iti aniaman a warrant of arrest ti gobierno, ti saanna a maawat ket ti panagusar ti kinaranggas ken kinapigsa ti kapulisan kadagiti miembro ken deboto ti Kingdom of Jesus Christ (KOJC).
Inbatadna a daytoy ket mangipakpakita ti panag-switik iti bukud a pagilian ken ti kina-Pilipino.
Kwinestionaran pay ni Duterte no ti pannakaipatungpal kadi ti nasao a warrant of arrest ket gapu ta ti akusado ket maysa a tagasuporta ti pamiliada.
Iti nasao nga statement, nagkiddaw ti Bise Presidente ti panagpadispensar kadagiti miembro ti Kingdom of Jesus Christ gapu iti panagkiddaw ken panagpilit daytoy kadakuada nga ibutos ti 2022 elections running mate-na a ni Pres. Marcos Jr.
Kunana a kasapulan dagiti Pilipino ti nasirsirib a lider.
Maipalagip a ti nasao nga operasion idi kalman iti Kingdom of Jesus Christ compound ket nagresulta iti pannakatay ti maysa ken pannakasugat kadagiti sumagmamano a miembro ti Kingdom of Jesus Christ.
