Inpaganetget ni Vice President Sara Duterte a masapul a liklikan dagiti opisial ti gobierno ti makiriri iti sabali a pagilian, pakairamanan ti China iti tengnga ti agtultuloy a tension iti West Philippine Sea (WPS).
Iti pannakitaripnong kadagiti overseas Filipino worker (OFW) iti Hong Kong idi Nobiembre 8, inbatad ni Duterte nga ad-adda a nasayaat no maidalan iti diplomatiko a panagsarita ti riri imbes a makisinnungbat iti social media.
Insingasingna pay a mangbukel ti grupo dagiti diplomat a mangidaulo iti pakinegosasion iti China.
Inpetteng ti Bise Presidente a rumbeng nga ipangpangruna ti nasional nga interes, pakairamanan ti pagsapulan dagiti Pilipino nga agtrabtrabaho ken agnegnegosio iti China.
Nupay kasta, kinontra ni Philippine Coast Guard (PCG) spokesperson for the West Philippine Sea Rear Admiral Jay Tarriela ti rakurak ni Duterte.
Segun ken ni Tarriela, ti China ti agus-usar ti water cannon ken agaragaramid ti napeggas a panangmainobra kontra kadagiti barko ti Pilipinas.
Inpaganetgetna a protprotehiran laeng ti Philippine Coast Guatd ken Bureau of Fisheries and Aquatic Resources (BFAR) dagiti mangngalap a Pilipino iti uneg ti exclusive zone (EEZ) ti pagilian.
Innayonna pay a nabayagen a makisarsarita ti Department of Foreign Affairs (DFA) iti China ngem maipagarup a saan a tumungtungpal ti Beijiong kadagiti napagtutulagan.
Nupay kasta inpetteng ni Tarriela a saan na kayat a sawen ti makigubat ti Pilipinas tapno ilavan ti karbenganna daytoy iti kabaybayan.
