LAOAG CITY – Kinumpirmaran ti Department of Health a dumanon iti walo a lugar ti namnamaenda a maipan iti pannakaideklarar ti dengue outbreak.
Daytoy ket kageddan ti panagngato ti kaso daytoy kadagiti napalabas a lawas.
Inbatad ni Department of Health Spokesperson Assistant Secretary Albert Domingo, kaaduan kadagiti lugar ket manipud iti Metro Manila, Central Luzon ken pakairamanan iti paset ti Calabarzon.
Kunana a dagiti tallo a rehion ket addaan ti siam a lokal a gobierno nga adda ti panagngato ti kaso ti dengue pakairamanan ti Quezon.
Immunan a nangideklara ti dengue outbreak ti Quezon City gapu iti umad-adu a kaso ti dengue iti siudad no sadinno nga addan ti walo nga indibidual ti nairekord a natay gapu iti virus ita laeng a tawen.
Karaman kadagiti pimmusay ket ti walo a menor de edad.
Basar iti datos ti Quezon City Epidemiology and Surveillance Division, adda ti pakbuklan a 1,769 a kaso ti dengue ti nairekord iti siudad sipod idi Enero 1 agingga idi Pebrero 14, 2025.
Nangatngato daytoy ti 200% maidasig iti napalabas a tawen.
