LAOAG CITY – Nagballigi dagiti kameng ti Operatives and Tracker Team ti 1st Provincial Mobile Force, INPPO, PNP-Pasuquin, ken PIU a nangtiliw iti maysa a wanted person iti Brgy Darupidip iti ili ti Pasuquin.
Nabigbig ti akusado a ni Napoleon Batan, agtawen ti 31, taga Brgy St. James Batan, Santiago City, Isabela ngem agdaman nga agnanaed iti Brgy. Darupidip iti ili ti Pasuquin.
Natiliw ni Batan babaen ti bileg ti warrant of arrest nga inparuk-at ni HON. ANASTACIO D. ANCHAD, Presiding Judge, RTC Br. 36, Santiago Isabela a napetsaan ti October 20, 2014 gapu iti kaso na a Frustrated Homicide.
Basar iti report, kabayatan ti pannakaipila ti reklamo kontra kenni Batan ket immay naglemmeng ditoy probinsya ngem natunton metlaeng dagiti otoridad ken naiserbi kenkuana ti warrant of arrest.
