BOMBO LAOAG – Nagballigi dagiti otoridad a nangtiliw ti maysa a wanted person idiay Pagudpud, Ilocos Norte.
Nabigbig daytoy a ni Ryan Martines, agtawen iti 30, baro ken residente iti Barangay Ligaya idiay ili ti Pagudpud.
Natiliw ni Martines babaen ti bileg ti maysa a warrant of arrest nga inparuk-at ni Judge Jose Feron Jr. iti Municipal Trial Court iti ili ti Bacarra gapu ti kaso na a reckless imprudence resulting to double homicide and damage to property.
Nairekomendar iti 24 ribo a pisos a piyansa ni Martines para ti temporaryo a pannakawaya-waya na.
