LAOAG CITY – Nagballigi dagiti otoridad a nangarestar ti maysa a Wanted Person ken maibilang kas Top 8 Regional Level.
Daytoy ket babaen ti nagtitipon a puersa ti Paoay Municipal Police Station kas lead unit pakairamanan ti PIU INNPO, PIT Ilocos Norte-RIU1, 101st MC,RMFB1, 114th Special Action Company, 11th Special Action Battallon, Philippine National Police-Special Action Force (114th SAC, 11SAB, PNP-SAF), ken 2nd INPMFC.
Ti suspek ket agtawen ti 54, addaan lti ive-in partner ken residente ti Brgy. San Pedro iti ili ti Paoay.
Ti suspek a Top 1 Municipal Level, Top 3 Provincial Level, ken Top 8 Regional Level (TMWP) ket naarestar babaen ti Warrant of Arrest (WOA) nga inparuk-at ni Hon. Judge Dinah Myrtle Morales Pacquing, Acting Presiding Judge gapu iti kaso a panagrames ken dua a counts ti Acts of Lasciviousness.
Naiserbi ti warrant of arrest kontra iti akusado iti Mariano Marcos Memorial Hospital and Medical Center (MMMH & MC) iti Brgy. 6, San Julian, Batac City kabayatan ti panagpaagas na rason a naipasidong daytoy iti hospital arrest.
Awan ti nairekomendar a pagpiyansa na iti kaso na a rape idinto a nairekomendar nga agpiyansa ti P36,000 para iti kaso na a 2 Counts ti Acts of Lasciviousness respectively.
