LAOAG CITY – Natiliw ti maysa a wanted person a sumangsango ti kaso a panaglabsing ti Republic Act (RA) 9262 wenno panagdangrang.
Nabigbig daytoy a ni Gilbert Agpuldo y Saguid, agtawen ti 31, naasawaan, maysa a mangngalap ken residente iti Barangay 1 iti ili a Vintar.
Segun ti report, natiliw ni Agpuldo babaen ti bileg ti warrant of arrest nga inparuk-at ni Hon. Judge Nida Alejandro iti RTC Branch 11 ditoy ciudad ti Laoag.
Nairekomendar ti dua ribo a pisos a piyansa ti suspek para ti temporaryo a pannakawaya-waya na.
