LAOAG CITY – Posible a maipaulog ti arrest order kontra ken ni suspended Bamban Mayor Alice Guo.
Daytoy ket kalpasan a nagpada ti finger prints-na iti maysa a Chinese National nga agnagan iti ‘Guo Hua Ping’.
Segun iti National Bureau of Investigation (NBI) nalawag a saan a Filipino ni Guo, ken sabali a nagan ti us-usarenna.
Basar iti Presidential Anti-Organized Crime Commission (PAOCC), awanen ti sabali a papanan ni Guo no di ti pannakaibalud ditoy Pilipinas.
Kinunana a saanen isuna nga awaten ti China gapu ta insukonan ti citizenship-na iti nadakamat a pagilian.
Kabayatanna, kinuna ti Solicitor General a mangipila da iti kaso a quo warranto kontra iti mayor tapno permanente a madiskualipikar iti public postion-na.
