LAOAG CITY – Naiserbi ti warrant of arrest babaen kadagiti kameng ti Philippine National Police iti ili ti Bacarra ken ti Regional Intelligence Unit 1 (RIU1) kontra kadagiti dua nga agdama a nakabalud iti Ilocos Norte Provincial Jail ditoy ciudad ti Laoag.
Basar iti report, dagiti nakaiserbian ti warrant of arrest ket agtawen ti 29 a lalaki, merchandiser, residente ti Brgy. Paco, Botolan, Zambales, ken ti agtawen ti 45 a tricycle driver ken residenten ti Brgy. Quezon Blvd., San Carlos City, Pangasinan.
Ti warrant of arrest ket inparuk-at ni Hon. Jose R. Feril, Jr., Presiding Judge ti First Judicial Region Municipal Trial Court, Bacarra, Ilocos Norte gapu iti panaglabsing ti Article 308 ti Revised Penal Code (RPC).
Nairekomendar ti sag-20 ribo a pisos a piyansa dagiti akusado para iti temporaryo a pannakawaya-waya da.
