LAOAG CITY – Nakastreken iti Philippine Area of Responsibility ti mabanbantayan a bagyo iti ruar ti teritoryo ti Pilipinas nga addaan ti international name a Tropical Cyclone Man-Yi ita a rabii ti Huwebes, Nobiyembre 14, no sadinno a maawagan daytoy kas bagyo Pepito.
Basar iti 8 p.m. weather bulletin ti PAGASA, pimmigsa ti tropical cyclone kas Severe Tropical Storm.
Manamnama met nga ag-landfall ti bagyo Pepito iti eastern coast ti Southern Luzon inton weekend, aldaw ti Sabado, Nobiyembre 16 wenno into Domingo, Nobiyembre 17.
Kabayatanna, adda pay laeng iti uneg ti PAR ti bagyo Ofel, no sadinno a daytoy met ti mangituntunda ti napigsa nga angin abuyogan ti panagtudo iti northern Luzon.
