LAOAG CITY – Inbatad ti Department of Justice (DOJ) nga ibutbutaktak dagiti whistleblowers dagiti karaman iti anomalya ti flood control projects.
Segun kenni DOJ Undersecretary Jesse Andres, adda dagiti impormasyon nga inbutaktak da Brice Hernandez, Henry Alcantara, Jaypee Mendoza, RJ Domasig, dati a Department of Public Works and Highways (DPWH) Undersecretary Roberto Bernardo, ken contractor a ni Sally Santos.
Kuna pay ni Andres nga idi damo ket in-inot ti impormasyon nga it-ited dagiti maseknan ngem kalpasan ti maikatlo nga interview ket ditoyen nga inbutaktak da dagiti ammo da nga impormasyon.
Iti agdama ket adda ti makaanay nga ebidensiya kontra kadagiti sumagmamano a senador ken congressman a karaman iti nasao nga anomalya.
Ummunan nga inbatad da Alcantara, Hernandez, ken Mendoza iti National Bureau of Investigation a karaman iti anomalya da dati a Senate President Chiz Escudero, ken dati nga Ako Bicol Partylist Congressman Zaldy Co.
