LAOAG CITY – Inanunsio ni United States President Donald Trump ti panaglusulos iti puesto ni White House Press Secretary Karoline Leavitt.
Inbatad ni Trump nga agingga iti katapusan ti Agosto nga agtalinaed ni Leavitt iti puesto.
Kunana a resrespetarenna ti desision ni Leavitt nga agtalaw iti puesto gapu ta prioridadna ti panagaywanna iti anakna.
Kabayatanna, ti agtawen ti 28 a ni Leavitt ket nagbalin kas White House Press Secretary iti napalabas a tawen.
Daytoy ket nabigbig kas kaubingan nga opisial a nagakem iti nasao a puesto.
Maipalagip nga iti napalabas a bulan ti Mayo ket inpasngayna ti maikadua nga anakda iti asawana a ni Nicholas Riccio no sadinno a ti inaunana ket agtawen ti 2.
Nagsubli daytoy iti trabaho iti napalabas a bulan kalpasan iti maternity leave-na.
