LAOAG CITY – Nakaarammid ti World Record ti maysa nga agtawen ti 34 a mangisursuro idiay Germany kalpasan a nangikabesa daytoy ti 87 decimal digits bayat a nakalemlem iti uneg ti danum.
Naala ni Christian Schafer ti rekord a “most decimal digits memorized underwater” kalpasanna nga inkabesa ti naatiddog a serye ti numero iti screen ti maysa a mobile phone bayat a laplapdanna ti panagangesna.
Basar iti rules ti challenge, saan a mabalin a makita ni Schafer dagiti numero agingga a saan a pay nakalemlem daytoy iti uneg ti danum.
Mabalin daytoy nga agtalinaed agingga a kabaelanna a lappedan ti panagangesna, ngem masapolna nga isardeng a kitaen ti screen no tumakdang daytoy.
Ket kalpasan iti daytoy, ditoyen nga agsasaruno nga isaulona dagiti numero a nalagipna.
