LAOAG CITY – Naduktalan dagiti otoridad nga adda kargana a military ammunition ti Ukrainian cargo aircraft nga immunan a nairekord kas military-grade explosives iti Leipzig/Halle Airport.
Basar iti report, pinasingkedan dagiti forensic experts a nangato ti military grade dagiti eksplosibo a naikarga iti drone.
Segun kadagiti imbestigador, napaay a bimtak ti drone gapu iti technical defect iti explosive device-na.
Gapu iti daytoy, naiget ti imbestigasion kontra terorismo idiay Leipzig/Halle Airport, nga agserserbi kas kangrunaan a cargo hub ken NATO military logistics center iti Germany ken maibilang a paset ti kritikal nga imprastruktura ti pagilian.
Sigun ken ni German Interior Minister Alexander Dobrindt, ti pasamak ket mabalin a maibilang kas “hybrid attack” a mangipakita iti dumakdakkel a pangta iti seguridad ti pagilian.
Mainaig iti daytoy, makipagkita daytoy kadagiti opisial manipud kadagiti estado ti Baltic, Poland, Sweden, Norway, Denmark, ken dadduma pay a pagilian inton ngudo ti Agosto tapno pagsaritaanda ti pannakapapigsa iti militarda.
Iti agdama, manarimaan pay laeng ti imbestigasion dagiti otoridad ti dadduma pay a detalye ti insidente.
Maipalagip a nasarakan ti drone iti asideg ti sumagmamano nga eroplano iti paset ti Ukrainian Antonov An-124, a karaman kadagiti kadakkelan a cargo planes iti lubong.
