LAOAG CITY – Natay ti maysa nga indibidual ken naruay ti nasugatan kalpasan nga inararo ti maysa a lugan kabayatan ti pannakaisayangkat ti gay parade idiay Berlin, Germany.
Insigida a naitaray iti ospital dagiti nasugatan a biktima iti insidente a napasamak iti Tiergarten park.
Gapu iti napasamak, saanen nga intuloy ti tinawen a pride event nga inawaganda a “Christopher Street Day.”
Agtultuloy a birbiroken dagiti otoridad ti driver ti lugan nga insigida a naglibas kalpasan ti nasao nga insidente.
