LAOAG CITY – Kumarkaro ti wildfire iti Los Angeles, California a nakatayan ti lima nga indibidual.
Iti pannaki-iuman ti Bombo Radyo Laoag ken ni Bombo International News Correspondent Ray Ortal Villanueva idiay California, USA nga umaboten iti 16,000 nga ektaria ken ginas-gasut a pagtaengan ken pasdek nagosio ti naminpinsan a nauram gapu iti wildfire iti Pacific Palisades.
Segun kenkuana, dagiti kangrunaan a lugar a naapektaran iti Eastern City, Pasadena, Malibu, Pacific Palisades ken Sta. Monica ken gapu iti napigsa nga angin ket nalawlawa met ti dadaelen ti wildfire no sadinno ket immaboten iti Slymar City.
Inbatad ti Fire Department ti California nga agkurkurangen ti suplay ti danom gapu iti nagpatpatnag nga operasionda ken inadmitir da saan da nakasagana iti nasao a pasamak gapu ta nagduduma a siudad ti naapektaranen ti wildfire.
Iti kaudian nga impormasion umaboten iti lima nga indibidual ti pimmusayen gapu iti nadakamat nga insidente
Kabayatanna, nagkiddawen ti gobierno ti California ti tulong kadagiti kabanagibang a state kas ti Nevada ken Texas para iti nasao banag.
