LAOAG CITY – Nakikoordinar ti Estados Unidos iti Denmark mainaig iti plano a panangpalawa ti military bases-da idiay Greenland.
Gagem ti Amerika a mangipatakder ti tallo a military bases iti nadakamat a lugar kas panagsagana iti posible nga aktibidad ti Russia ken China iti North Atlantic region.
Maipalagip a naaddaan ti saan a panagkinnaawatan ti Denmark ken Estados Unidos kalpasan nga inrakurak ni United States President Donald Trump a sakupenda ti isla kagiddan iti panagamak nga alaen daytoy ti Russia ken China.
Nagkedked met ti Denmark ken Greenland ti aniaman nga ideya iti panangsakup ti teritorio.
