LAOAG CITY – Arapaap laeng idi ni Ms. Mariz Dela Cruz ti agtrabaho iti ballasiw-taaw.
Ni Dela Cruz ket tubo iti ili ti San Nicolas ngem agdama a residente iti New Zealand ken maysa isunan a Manager iti dakkel a kompaniya worldwide.
Iti pannakiyuman ti Bombo Radyo Laoag ken ni Sela Cruz, inyisturya na ti nagbalin a biag na ditoy Pilipinas ken dagiti nagrigrigatan na sakbay a naramanan na met ti balligi iti biag.
Bayat nga agad-adal idi isuna ket agtrab-trabaho pay idi kas call center agent.
Ngem no pay kasta saan a nagbalin a lapped ti kasasaad iti biag, inpadas ni Dela Cruz ti nagaplikar abroad, agingga a ti New Zealand ti nakadanonan na.
Idi 2018, nagturong isuna idiay New Zealand kas maysa nga estudyante, ngem kas met laeng idi ditoy Pilipinas nagbalin isuna a working student.
Nagtrabaho isuna kas waitress ken para dalus tapno masupusopan dagiti gastos na kabayatan ti panagtalinaed na iti ballasiw-taaw.
Nagturpos ni Dela Cruz iti kurso a Business Management ken iti agdama ket mangal-ala iti Masters Degree-na.
Inbatadna nga idi nakaadal isuna ket ditoy nga in-pursige na ti arapaap na a trabaho.
Kunana nga iti agdama ket kabaelan na metten nga ipaay ti kayat ti nagannak na ken magatang dagiti kayat na a gatangen.
Mainaig iti daytoy nagpalagip iti publiko nangruna dagiti agkalkalikagom nga ag-abroad a saan nga agsardeng agingga a saan a magun-od dagiti arapaap iti biag.
