LAOAG CITY – Posible nga agtalinaed latta ti yellow alert ti Luzon grid gapu iti bassit a reserba a koriente.
Inbatad ni Department of Energy (DOE) Usec. Mario Marasigan a naurnosen ti National Grid Corporation of the Philippines (NGCP) ti dua a nadadael a transmission lines partikular ti Tayabas-Ilijan ken Ilijan-Dasmariñas 580 kV Transmission Lines.
Gapu iti daytoy, nakaipaay ti suplay ti Excellent Energy Resources Units 1 ken 2 ti Batangas a na-isolate kalpasan a nadadael ti Ilijan-Dasmarinas Transmission Line.
Natarimaan metten ti Masinloc Unit 3 nga adda iti Zambales a nagkaproblema.
