LAOAG CITY – Inaprubaran ni Zimbabwe President Emmerson Mnangagwa ti linteg a mangikkat a dagus ti dusa a patay iti southern African state.
Dinayaw ti Rights group Amnesty ti desisyon ti presidente, ngem adda ti panagladingit da gapu ta ti dusa a patay ket possible a maisubli bayat ti state of emergency.
Ti nagbalin a desisyon ni Presidente Mnangagwa ket kalpasan a nagbotos ti parliamento iti nasapa a paset ti disyembre iti napalabas a tawen tapno maikkat ti dusa a patay iti nadakamat a lugar.
Maipalagip a ti naudi a panangipatungpal ti Zimbabwe ti dusa a patay ket idi 2005.
Naamoan nga adda ti agarop 60 a tattao ti adda iti death row iti naudi a paset ti 2023.
