LAOAG CITY – Dakkel a balligi para kadagiti konsyumer ti pammilin ti Energy Regulatory Commission (ERC) iti Meralco nga i-refund iti uneg ti innem a bulan ti sumurok-kumurang ₱9.5 bilyon a sobra a nakolektar a bayadan.
Inbatad ni FPJ Panday Bayanihan Party-list Rep. Brian Poe a ti addaang Energy Regulatory Commission ket maysa a nakapatpateg a sungbat iti panawagan ti inpasana nga House Resolution No. 1126 a gagem nga ipayalisto ti refund ti sobra a singir ti Meralco.
Iti panagdengngeg ti House Committee on Energy, insingasing ti Meralco nga isubli ti sumurok-kumurang ₱9 bilyon nga overcollections iti uneg ti 36 a bulan.
Nupay kasta, saan nga immannugot ni Poe gapu ta napaut unayen ti tallo a tawen a panagur-uray dagiti konsyumer para iti kuarta a saan met koma a nakolektar iti rugi pay laeng.
Kuna ni Poe a saan nga aglippas ti refund ti nasao a banag gapu ta nagtalinaed ti kasapulan para iti panagsungbat ken transparency.
Innayonna a nasken a ti tunggal kualipikado a konsyumer ket makaawat ti refund nga umno, kumpleto ken nalawag.
