LAOAG CITY – Inbilin ti Energy Regulatory Commission (ERC) ti Manila Electric Company (Meralco) nga ag-refund ti pakabuklan a P9.5 billion kadagiti consumer gapu iti sobra a nakolektarda a singir iti kuryente idi 2025.
Basar iti desision ti Energy Regulatory Commission (ERC), kapadpadana daytoy ti P0.3449 kada kilowatt-hour (kWh) a maikissay iti bill kadagiti consumer iti uneg ti innem a bulan.
Makita ti refund kas naisina nga item iti monthly electricity bill ken manamnama a mangrugi inton sumaruno a billing cycle.
Segun ken ni Energy Regulatory Commission (ERC) ken Chief Executive Officer Francis Saturnino Juan nga ipatungpal ti refund inton maawat ti Meralco ti opisial a desision ti komision.
Inlawlawag ti Energy Regulatory Commission (ERC) ti refund ti rason ti panangikorehir kadagiti singir idi inawagan ti lapsed period manipud Enero agingga Disiembre 2025.
Iti agdama, agtultuloy a nagsingir ti Meralco usar ti dati a naaprobaran a rate kabayatan ti maur-uray a panangaprobar ti baro a rate iti babaen ti proseso ti rate reset.
Kuna pay ti Energy Regulatory Commission (ERC) a pakairamanan ti pakabuklan a refund ti interes gapu iti nakaad-adu a nakolektar ti Meralco iti nasao a panawen.
