LAOAG CITY – Inpasigurado ti Energy Regulatory Commisson (ERC) a tingtingitingendan dagiti outage allowance dagiti generation plant nga ag-o-off grid ken nangitunda ti kinakurang iti suplay ti kuriente iti Visayas.
Daytoy ket kalpasan ti panawagan ni Senate President Win Gatchalian iti Energy Regulatory Commisson (ERC) nga imbestigaran ti agtultuloy a power supply shortages iti Visayas ken Mindanao, a kunana a nakaapektar pay iti presio ti kuriente kadagiti rehion.
Segun ken ni Energy Regulatory Commisson (ERC) Director Atty. Ma. Corazon Gines, tingtingitingendan dagiti rason ti outage dagiti generation plant ken no sumrek daytoy iti naikeddeng nga outage allowance.
Inbatadna nga ipada ti Energy Regulatory Commisson (ERC) ti aktual nga outage ti kada power plant iti allowable outages-na.
No man mapaneknekan a naglabes iti naikeddeng nga allowance, maipagarup a mabalin a mapatawan ti multa dagiti power generator nga umabot manipud P50,000 agingga P50 million, depende iti panaglabsing.
