LAOAG CITY – Nagballaag ti state-run think tank a Philippine Institute for Development Studies (PIDS) a mabalin a manayonan ti bilang dagiti Pilipino nga agbalin a marigrigat gapu iti panagngato ti presio ti langis iti world market.
Basar iti panagadalda, naipakita a no ti krudo ket umabot iti $105 iti kada bariles ket maipasa iti 35% ti panagngato iti lokal a presio, ngumato ti poverty rate iti Pilipinas manipud 13.2% ket mapagbalin a 14.4%.
Kayatna a saoen, naruay a “near poor” wenno dagiti apagapaman laeng a biruk maidasig iti poverty line ti posible a naan-anay nga agtungpal a marigrigat gapu iti panagngato ti gastosen iti inaldaw-aldaw.
Basar iti Philippine Institute for Development Studies, ad-adda a marikna dagiti marigrigat ti epekto gapu ta kaadoan kadagiti birukda ket maikabil iti kangrunaan a kasapulan ken awan ti dakkel nga urnongda.
Mapatta-patta nga agingga iti 16.2% ti maikissay iti purchasing power dagiti marigrigat a pamilia maidasig iti 3.4% laeng kadagiti umili.
