LAOAG CITY – Nagballigi dagiti kameng ti INPPO ken PDEU iti inyuswat da a drug buy-bust operation iti Barangay 7-A ditoy ciudad ti Laoag.
Nabigbig dagiti natiliw iti operasyon nga isuda Darwin Bumanglag y Iglesia, agtawen ti 38 ken ti live-in partner na a ni Rachelle Anne Laeno, agtawen ti 18, agpada a residente iti ili ti Badoc.
Natiliw dagiti suspek kalpasan a naglako da ti maysa a sachet a naglaon ti maipagarop a shabu iti nagpammarang a poseur-buyer.
Iti pannakakapkap dagiti suspek ket nakakumpiskar pay dagiti otoridad ti 10 a sachet a naglaon ti maipagarop a shabu.
Naamoan a ni Bumanglag ket karaman iti Regional Top 10 Watchlist.
Kabayatanna, pinadas ti Bombo Radyo Laoag nga alaen ti komento dagiti suspek ngem nagkedked da a nagpainterview.
