LAOAG CITY – Umabot pay iti 26 a drug personality dagiti saan a simmuko iti Philippine National Police (PNP) ditoy probinsya.
Daytoy ti kinumpirmaran ni Police Supt. Reynante Baltazar, ti Deputy Provincial Director For Operations iti Ilocos Norte Police Provincial Office (INPPO).
Inbatad ni Baltazar nga iti kallabes ket pinaayaban da dagiti 11 a chief of police iti nagduduma nga ili ditoy probinsya ken pinagpalawag da no apay nga agpapan ita ket saan da pay a napasuko dagiti drug personality iti masakupan da a lugar.
Segun ken ni Baltazar, dagiti 26 a drug personality a saan pay a simmuko ditoy probinsya ket addan ti nagan da iti national headquarter iti PNP.
Karaman kadagiti napaayaban ti chief of police na ket ditoy ciudad ti Laoag ken Batac, iti ili ti Bacarra, Pagudpud, Sarrat, Pasuquin, Currimao, Dingras, Paoay, San Nicolas ken Solsona.
Inpetteng ti opisyal a masapol a matiliwen dagiti maseknan dagiti drug personality iti masakupan da a lugar a saan a dimmalan iti rehabilitation program ti PNP.
