LAOAG CITY – Nairekord dagiti 11 a baro a kaso iti COVID-19 no sadino nga uppat dagiti kaso iti ili ti Sarrat.
Basar iti gobyerno probinsyal, dagitoy ket da IN-C985, babai, agtawen ti 28, Medtech; IN-C986, lalaki, agtawen ti walo; IN-C987, babai, agtawen ti 18; IN-C988, babai, agtawen ti 32, store owner, agpapada a nakapulapol ni IN-C958 ken agpapada a residente iti Brgy. 3 Sta. Barbara iti ili ti Sarrat.
Dua met iti kaso ti COVID-19 iti siudad ti Batac a da IN-C991, lalaki, agtawen ti 35, LSI manipud iti Manila ken residente iti Brgy. 29, San Pedro kenni IN-C992, lalaki agtawen ti 37, LSI manipud iti Taguig City ken residente iti Brgy. 20-N Colo iti nasao a siudad.
Nairekord met iti saggaysa a kaso iti Brgy. Poblacion 1 iti ili ti Pagudpud a ni IN-C982, lalaki, agtawen ti 44, nakapulapol na ni IN-C918; IN-C983, lalaki, agtawen ti 49, LSI manipud iti Sampaloc Manila, symptomatic, ken residente iti Brgy. 34-A Gabu Norte, IN-C984, babai, agtawen ti dua, nakapulapol ni IN-C954 ken residente iti Brgy. Catangraran iti ili ti Solsona.
IN-C989, lalaki, agtawen ti 30, LSI manipud iti Quezon City, symptomatic, ken residente iti Brgy. Balbuena iti ili ti Pinili kenni IN-C990, lalaki, agtawen it 38, LSI manipud iti Pasig City ken residente iti Brgy. Dumalneg iti ili ti Dumalneg.
Kabayatanna, umabot iti pito a pasyente ti COVID-19 dagiti nalaingan rason nga umabot iti 790 dagiti nalaingan.
Agdagup iti 992 ti kaso iti COVID-19 ditoy probinsya ngem addaan iti 196 nga aktibo a kaso idinto a nagtalinaed nga innem dagiti pimmusay.
