LAOAG CITY – Nasugatan ti 11 nga indibidual gapu iti pammagkong idiay Michigan, United States of America.
Basar iti Munson Medical Centre, adda ti 11 a biktima ti manarimaan a matamtaming iti ospital no sadinno a tallo kadagitoy ket dimmalan iti operasion.
Mainaig iti daytoy, makita iti bidyu a nai-post iti online nga adda dagiti sumagmamano a pulis ken ambulansia iti parking area iti Walmart
Kinumpirmaran met ti Grand Traverse County Sheriff’s Office a manarimaan ti naun-uneg nga imbestigasion iti nasapamak nga insidente iti WalMart idiay Traverse City.
Naammoan a ti suspek ket residente idiay Michigan a nagusar ti folding knife iti panangbagkong kadagiti biktima.
Kabayatanna, inpakaammo ni Michigan Governor Gretchen Whitmer a naiget ti pannakikoordinarna kadagiti otoridad maipanggep iti insidente.
Iti agdama, nakabalud ti suspek iti kuerpo ti pulisia.
