LAOAG CITY – Inpakaammo ni Lt. Col. Ercison Bulosan, 101 Community Defense Center ti AFP iti Ilocos Sur-Ilocos Norte a 1,195 a basic ken advance ROTC cadets dagiti nagturpos ditoy probinsya ita nga aldaw.
Daytoy ket naiyuswat iti covered court ti Mariano Marcos State University iti siudad ti Batac.
Segun ken ni Bulosan, dagiti nagturpos ket dagus a miembro iti reserve force ti pagilian.
Kuna na a dagitoy ti agserbi a volunteers a tumulong iti local wenno national a gobierno partikular iti search and rescue operations pakairamanan ti disaster response operations.
Immuna iti daytoy, inlawlawag ni Bulosan a dagiti masapol a sumrek a miembro ti armada ti pagilian ket masapol nga agtawen ti 18-26.
Kuna na a nu saan a nakapagturpos iti kolehiyo ken nakaleppas iti grade 12 ket mabalin a makipartisipar iti eksaminasyon para iti AFP.
Mainaig iti daytoy, inbatad na a nu kalikagum ti agbalin a commissioner iti AFP, masapol a nakapagturpos iti baccalaureate ket mabalin dagiti nakapagturpos iti kolehiyo ngem nasken nga agbasa iti maysa a tawen kas kadete.
Inpakaammo ni Bulosan a dagiti nagturpos iti ROTC pakairamanan ti probationary training coprs ket maikkan ti gundaway nga agbalin a second lieutenant ken agtultuloy nga opiysal ti AFP.
Kabayatanna, inpetteng ni Bulosan a ti panagbalin a mandatory ti ROTC a kas iti kalikagum ti administrasyon ni Presidente Ferdinand “Bongbong” Marcos Jr. ket mabalin a mangitunda iti ad-ado nga enrollees iti nasao a programa iti sumaruno nga school year.
Patien na a ti ROTC ket mangipakita ti military dicspline dagiti Pilipino ket panagayat iti pagilian
