LAOAG CITY – Ginabotgabot dagiti kamkameng ti PNP Pinili ti nakita da a 15 a poon ti a marijuana a naimula iti kamaisan iti Sitio Bimmurnay Bgy. Nagtriguan iti ili ti Pinili.
Segun ken ni Chief Insp. Gerardo Antonio, hepe ti pulisya iti nasao nga ili, manarimaan da nga agpatpatrolya iti makita da ti nasao a mula.
Naamuan a mula daytoy ti agnagan iti Ernesto Garcia, agtawen iti 67, maysa a mannalon ken agindeg iti nasao a lugar.
Kuna ni Antonio a saan unay pay a dadakkel dagiti nasao a marijuana gapo ta makita a nabiit pay a napatanor.
Kabayatan na, naglikudan met ni garcia a mula dagiti nasao a marijuana ngem ketdi mula ti baro na a ni johansen.
Innayon ni Antonio nga iti laksid iti palawag ni garcia a saan na a mula dagiti nagabot a marijuana, ipilaanda ti kaso seknan iti panagikot iti maipawil a mula.
