LAOAG CITY – Natay ti 153 nga indibidual kalpasan a bimtak ti maysa a tangke ti gasolina idiay Nigeria.
Segun kadagiti opisial, namunganay ti uram iti nagbaliktad a lugan.
Malaksid kadagiti pimmusay ket adda pay nasurok 100 a tattao a nasugatan iti panagbettak ken agdama nga adda kadagiti ospital.
Naammuan nga agpapan ita ket adda dagitoy iti kritikal a kasasaad.
Mainaiag iti daytoy, pinakdaaran dagiti opisial dagiti residente nga saan da nga umasideg iti tangke gapu ta adda posibilidad a bumtak pay daytoy.
Pinasingkedan met ti pannakangiwat ti polisya a ni Lawal Shiisu Adam, a ti driver ti lugan ket saan a nasugatan ken addan iti salinong ti kapulisan kabayatan nga isaysayangkat da ti naan-anay nga imbestigasion.
