LAOAG CITY – Temporaryo nga ipawil ti Department of Agriculture (DA) ti panag-import kadagiti sibibiag nga ayup ken animal products iti pagilian ti Greece.
Daytoy ket kalpasan a makumpirmaran dagiti kaso ti foot-and-mouth disease kadagiti domestic sheep idiay Lesvos iti napalabas a bulan.
Iti babaen ti Department Circular 20, inpasardeng pay ti Department of Agriculture ti panagisyu ti clearance iti sanitary ken phytosanitary import para kadagiti apektado a produkto.
Inbilin pay ti ahensya ti naiget nga inspeksyon iti amin a pantalan iti pagilian.
