LAOAG CITY – Iyur-uray ti Municipal Health Office ti ili ti Paoay ti resulta ti eksaminasyon ti Department of Health kadagiti naala a “food sample” manipud kadagiti nabati a taraon dagiti estudyante iti Evangelista Elementary School.
Kinumpiramaran daytoy ni Dr. Alfredo Domingo, Municipal Health Officer (MHO) iti nasao nga ili kalpasan a nakaawat da iti impormasyon a maipagarup a nasabidungan dagiti 16 nga ubing gapu iti kinnan da.
Kuna ni Domingo a saan na pay nga ammo no ania ti makagapu no apay a nagsakit ti buksit dagiti estudyante.
Kuna pay ti doktor a nakaala da kadagiti nabatbati a “boneless bangus” ken danum iti kantina ti eskuwelaan.
Nupay no kasta, iti panangamiris ni Dr. Joan Galano kadagiti ubbing, patien na a “food poisoning” ti napasamak kadagitoy.
