LAOAG CITY – Inpakaammo ni Ms. Antonette Bareng, mangidadaulo ti Business Permit and Licensing Office ditoy siudad ti Laoag a 17 pay laeng nga ambulant vendors ti nakairenew iti business permit na sipud idi Enero 2 ita a tawen.
Segun kenni Bareng, adda iti agarup 149 nga ambulant vendors iti nakaparehistro ti business permit na iti napalabas a tawen idinto a ti obserbasyon da ket immado dagiti makitkita da nga aglaklako ditoy ciudad ita a tawen.
Inpetteng na nga awan pay iti kagudwa iti bilang dagiti ambulant vendors a napan nagparehistro ti business permit na iti opisina da.
Nupay kasta, iti metlaeng obserbasyon na ket nakaugalianen dagiti ambulant vendors a mapan da iti maudi nga aldaw ti panagparehistro iti business permit.
Inlawlawagna nga awan ti maipataw a multa kadagiti ambulant vendors a saan a makarehistro kalpasan iti deadline.
Maipalagip a ti inisyal a panagngudo ti renewal ti busines permit ket idi Enero 31 ita a tawen ngem nakadepende iti konseho no aprobaran da ti kiddaw ti ahensya a maitantan.
Immuna iti daytoy, kiniddaw ti mangidadaulo ti Business Permit and Licensing Office ditoy siudad ti Laoag a masapul a susurwen dagiti busines owners ti agaplikar iti online tapno al-alisto ti pannakaiproseso dagiti business permitda.
