LAOAG CITY – Umabot iti 18 a tattao ti natay kalpasan ti nagpatnag nga air strikes ti Pakistan idiay Afghanistan.
Segun iti Taliban, karaman kadagiti natay ket babbai ken ubbing.
Inpakaammo ti Islamabad a dagiti panagatake ket pinuntirya da dagiti maipagarop a militant camps ken hideouts iti asideg ti Pakistan-Afghanistan border.
Kinondenar ti Afghanistan dagiti napasamak a panagatake nga inpatungpal ti Pakistan aglalo ket pinuntirya da pay ti kaadoan a pagtaengan dagiti sibiliyan ken religious school.
