LAOAG CITY – Tiniliw dagiti otoridad dagiti dua a lallaki kalpasan a naaktwan da nga agus-usar iti marijuana iti Barangay Nalbo ditoy ciudad ti Laoag.
Nabigbig dagitoy a da Mark Christian Dorilag, agtawen ti 23, baro, taga Barangay San Manuel ti ili a Sarrat ken ni Jefferson Tolentino, agtawen ti 33, naasawaan, taga Vintar ngem agdama nga agnanaed iti Barangay 10 iti ili a Sarrat.
Naamoan a dagiti nasao a suspek ket agpada a construction worker.
Naala iti ikot dagiti suspek ti narumrumeken a bulong ti marijuana a naikabil ti pakete ti sigarilyo ken bulong ti saba ken lighter.
Iti agdama, nagtalinaed dagiti suspek ti kustodyar ti PNP ditoy ciudad ti Laoag.