LAOAG CITY – Inrakurak ni Department of Social Welfare and Development Sec. Erwin Tulfo nga adda ti nakasagana a 20 a milyon a pisos ken 10 a ribu a food packs ti maipaay kadagiti biktima a naapektaran ti gingined ditoy Ilocos Norte.
Kunana nga ita a malem ket maiyuswat ti cash assistance payout kadagiti maseknan a biktima ti tulong manipod iti Gobierno Nasional.
Inlawlawag na a nairanta a mausar ti pundo para kadagiti kaprobinsiaan a nadadael ti pagtaenganda gapu iti napigsa a gingined idi rabii.
Inbatadna nga adda ti 55 a pagtaengan a partially damaged ken 1 a pagtaengan ti totally damaged ti mabenepiasaran ti nasao a financial ken food assistance.
Segun ken ni Sec. Tulfo, kuna ni Gob. Matthew Marcos Manotoc kenkuana nga adda ti 36 nga slightly injured ken 2 ti seriously injured nga adda iti ospital ita a gundaway banag a mapan da bisitaen ita nga aldaw.
Kabayatanna, inpakaammo na a kalpasan iti panagbisita na iti Kapitolio Probinsial ti Ilocos Norte ket sumaruno nga agturong da iti probinsia ti Abra.
