LAOAG CITY – Umabot iti 20 nga estudyante ken maysa a nataengan ti natay kalpasan a nadisgrasya ti nagluganan da a bus idiay Uganda.
Dinosdosena a sabsabali a pakairamanan ti staff ti nasugatan iti insidente a napasamak iti Kapchorwa district.
Basar iti preliminary investigations, rumrumuar a naaddaan ti mechanical fault ti bus sakbay a napukawan ti driver ti kontrol iti manibela iti Chekwatit Hill, ti lugar a masansan a pakapaspasamakan ti vehicular accident.
Gapu iti napasamak, amin nga educational trips kadagiti pagadalan ket nakanselar agingga a saan a malpas ken makompleto ti imbestigasyon.
