LAOAG CITY – Inadmitir ti presiding officer ti konseho ditoy ciudad ti Laoag nga adda ti irregularidad wenno saan a nasurot a parliament procedure bayat ti panagbibinnutos dagiti kameng ti konseho para ti 2019 budget idi Enero 3 ita a tawen.
Inlawlawag ti chairman ti Comittee on Land and State a no adda ti mosyon a mangipasa ti ordinansa ket kasapulan a kumpleto ti ordinance number, titulo ken ti tawen a naaramid ti nasao nga ordinansa sakbay a maaprubaran ken pagbobotosan dagiti kameng konseho.
Nupay kasta, saan a nasurot ti porma ti nasao a mosyon a nagresulta ti saan a pannakaaprubar ti 2019 budget.
Naamoan a 7 a kameng ti konseho dagiti saan a pimmabor ti 2019 budget idinto a lima ti pimmabor.
