LAOAG CITY – Nakitaan ti maipagarup panaglabsing, awan resibona ken supporting documents ti naisubmitir a 2023 accomplishment reports ti Office of the Vice President (OVP) mainaig iti confidential funds iti agtultuloy nga impeachment trial ni Vice President Sara Duterte ita a Martes, Agosto 4.
Iti direct examination iti testigo ti prosekusion ti Commission on Audit COA state auditor a ni Roderick Wamil, indatag ni Prosecution counsel Atty. Lorna Kapunan ti tallo nga accomplishment reports ti Office of the Vice President (OVP) iti agpapada a tawen ti 2023 ti Marso 30, Hulio 11, ken Oktubre 9.
Mainaig iti daytoy, naipalaon kadagiti nasao a dokumento ti pirma ni VP Sara a mangpaneknek nga inaprubaran daytoy ti bise presidente.
Inbatad ni Wamil a nakaipalaon iti umuna nga accomplishment report ti dua nga items a saan nga “allowed” iti salinong ti Section 4.8 ti Joint Circular 2015-01 wenno ti maipawil a panagusar iti confidential funds.
Bayat iti panangsaludsod ni Atty. Kapunan iti testigo iti nagbalin nga obserbasionna, dinakamat ni Wamil ti maysa pay nga item para iti reward no sadinno ket awan ti naisubmitir ti OVP nga aniaman a “document evidencing the success” wenno dokumento a mangpaneknek iti information gathering wenno surveillance activities manipud iti impormante.
Kabayatanna, iti maika-dua nga accomplishment report, inpetteng ni Wamil nga adda ti line items nga agdagup ti ₱40 million a pondo para iti medical ken food assistance, ken kasta pay ti ₱10million a pondo para iti insentibo ken travel expenses a maipawil iti joint circular gapu iti kinalimitado ti listaan ti napalubusan iti confidential expenses.
Gapu iti daytoy, nag-mosion ti depensa nga i-strike out ti rekord ti rakurak ti testigo mainag iti payment of rewards a segun ken ni Atty Poa, ti isyu laeng ket no adda ti saan nga umno a panagusar iti confidential funds ngem agturong metten dagiti rakurak ti testigo iti findings-na a saan a paset ti accomplishment report a sinang-ayunan met ni Trial Presiding Officer Francis Escudero.
