LAOAG CITY – Rugian ti Senado ti deliberasion daytoy iti gakat a P6.35 trilyon a national budget para inton sumaruno a tawen inton Agosto 13, maibasar ken ni Senate President Francis “Chiz” Escudero.
Gapu ta maiyuswat ti eleksion inton sumaruno a tawen, inbatad ni Escudero nga adda ti umdas a linteg a manglapped iti panagusar ti 2025 national budget para iti electoral campaigns.
Karaman kadagiti isyu iti budget a namnamaen ni Escudero a matalantan ket ti Confidential and Intelligence Funds (CIF) ti law enforcement units kangrunaanna iti baet ti panangiruar ti arrest orders kontra kada suspended Bamban, Tarlac Mayor Alice Guo ken Kingdom of Jesus Christ Leader Apollo Quiboloy.
Naammoan a tingitingen pay ti Senado ti alokasion ti Confidential and Intelligence Funds kadagiti ahensia kas basar iti liderato ti Senado.
